Понедельник, 26 07 2021
Войти Регистрация

Login to your account

Username *
Password *
Remember Me

Create an account

Fields marked with an asterisk (*) are required.
Name *
Username *
Password *
Verify password *
Email *
Verify email *
Captcha *

З блаславеннем Яфіміі

  • Четверг, 25 октября 2018 13:33

Чарговы раз творцы з нашай краіны ўзялі ўдзел у сербскім міжнародным фестывалі паэзіі, які прымеркаваны да духоўнага і культурнага свята «Дні Яфіміі».

Ганна Мартынчык на сербскім міжнародным фестывалі паэзіі.

Ганна Мартынчык на сербскім міжнародным фестывалі паэзіі.

Святкаванне адбываецца кожны год у памяць аб першай сербскай паэтэсе, манахіні Яфіміі, у горадзе Трсценіку. Традыцыя бярэ пачатак з 1971 года, але па розных прычынах доўгі час мерапрыемства не арганізоўвалася. Цэнтральная частка сучаснай праграмы — паэтычна-музычная вечарына «У гонар Яфіміі», аснова якой — «Паэтычныя дары», дзе свае вершы чытаюць самыя вядомыя сербскія паэты і паэтэсы, а таксама адбываецца ўручэнне ўзнагарод за лепшую кнігу паэзіі. У дадатак да традыцыйнага зместу ў мерапрыемства ўключаны міжнародны паэтычны фестываль, дзе можна пазнаёміцца з творчасцю паэтаў розных краін (Польшчы, Балгарыі, Македоніі, Босніі і Герцагавіны, Францыі, Германіі і інш.). На сёлетнім мерапрыемстве прадстаўніком Беларусі стала паэтэса Ганна Мартынчык.

— Прыём быў на самым высокім узроўні. Знакаміты сербскі паэт Вералюб Вушашынавіч пераклаў мае вершы на сербскую мову, з тым жа тэмпарытмам, максімальна набліжана да арыгінала. Таму выступаць перад сербскай публікай было камфортна, — распавяла Ганна Мартынчык. — Чытала вершы ў арыгінале, акцёры агучвалі на сербскай мове паэтычны пераклад. Гучалі шматлікія пытанні з залы, што і радавала, і здзіўляла. Пыталіся і пра тое, якая яна, беларуская зямля. Была арганізавана прэс-канферэнцыя, падчас якой цікавіліся сучаснай паэзіяй Беларусі ўвогуле, маёй творчасцю, прасілі прачытаць вершы на беларускай мове. Прапанавала творы Рыгора Барадуліна «Трэба дома бываць часцей» і Янкі Купалы «Спадчына». Слухалі ўважліва, спрабавалі ўлавіць знаёмыя словы.

Галоўная падзея мерапрыемства — гала-канцэрт — адбылася ў старажытным манастыры Любасціння XIII стагоддзя. Бясплатныя аўтобусы курсіравалі цэлы дзень, каб з горада Трсценіка і са сталіцы прывезці гледачоў на фестываль. Людзей было шмат, гэтае свята шануюць. Манахіня Яфімія лічыцца святой у Сербіі, яе параўноўваюць з Ефрасінняй Полацкай.

Увага да іншых культур на фестывалі нацыянальнага ўзроўню сведчыць пра значнасць міжнародных сувязяў у творчым жыцці Сербіі. Правядзенне паэтычных сустрэч такога кшталту — важны складнік для ўзмацнення духоўнасці народаў, творчых і сяброўскіх сувязяў.

Яўгенія Шыцька

Крыніца: Літаратура і мастацтва

 

Прочитано 5411 раз